为什么会得炎症
L'ozón[1] (O3), ye una substancia simpla que presenta moleclas formadas por tres atomos d'oxicheno y que ye gasiosa a temperatura ambient. A suya presencia natural en a estratosfera permite aturar a més gran part d'os rayos ultravioleta y permitir a existencia de vida en tierra firme. L'ozón se presenta en l'atmosfera terrestre en una proporción menor de 0,05 ppm. A suya presencia excesiva en a troposfera se considera perchudicial y se produz como un efecto de contaminación a escala local. Se puet fer servir como desinfectant.
A més gran part de l'ozón se troba en a estratosfera, concentrando-se sobre tot entre os 15 km y os 30 km d'altura, abundando més en os 25 km d'altura.[2] A part d'a estratosfera que bi ha entre os 15 km y os 60 km recibe a denominación d'ozonosfera, y presenta un espesor variable dependendo d'a latitut, maximo en o ecuador y minimo en os polos. L'ozón ye transportau dende un puesto enta d'atro por l'acción d'as corrients d'a estratosfera.
A formación de l'ozón en a estratosfera yera en equilibrio natural con a suya destrucción. A contaminación con CFCs como o freón ha crebau este equilibrio y a cantidat d'ozón ha minguau muito en os polos, problema medioambiental conoixiu como "forau d'a napa d'ozón".
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) Diodora Calvo Aldea, Maria Teresa Molina álvarez y Joaquín Salvachúa Rodríguez: Ciencias de la tierra y medioambientales. 2ndo Bachillerato. 2010 McGraw-Hill, pp.194-195.
Bibliografía
[editar | modificar o codigo]- (es) Diodora Calvo Aldea, Maria Teresa Molina álvarez y Joaquín Salvachúa Rodríguez: Ciencias de la tierra y medioambientales. 2ndo Bachillerato. 2010 McGraw-Hill.
| Control d'autoridaz |
|
|---|
